TWA FEY, TWA RASIN-O

[ Kesyon Moun Mande Anpil ]

Gifrants afiche mesaj sa, jou 15 Me 2000 a 09:29:20:

Yonn nan pi gwo mesaj spirityèl lèsen pase ban nou, e ki pwouve ke yo pa MALEN DI TOU, chita nan mizik "Twa fèy, twa rasin-o".
Twa fèy, twa rasin-o
Jete, blye
Ranmase, sonje
Twa fèy, twa rasin-o
Jete, blye
Ranmase, sonje

Mwen gen yon basen dlo
Twa fèy tonbe ladan
Jete, blye
Ranmase, sonje
Mwen gen yon basen dlo
Twa fèy tonbe ladan
Jete, blye
Ranmase, sonje

Annou analize gwo bèl pawòl sa-yo:
"Twa fèy, twa rasin-o"--Pouki imaj-sa baze sou pye bwa? Paske "fèy" jwe yon ròl empòtan nan vi-nou Ayisyen e lèsen oblije itilize langaj ki mache avèk konsèp nou pale e konsevwa lavi. "Twa fèy, twa rasin-o" vle di Dyelepè, Dyelefis, Dyelesentèspri, ou ankò "lalfa e lomega" pou fèy ak rasin.

"Jete, blye"--si-m jete pawòl-sa, sèke-m blye triloji sa.

"Ranmase, sonje"--si-m ranmase pawòl-sa, mwen sonje e aksèpte triloji-sa.

"Mwen gen yon basen-dlo"--(Dlo se senbòl lavi. Gen dlo menm nan Paradi.) Mwen gen lavi

"Twa fèy tonbe ladan"--Twa fèy sa yo, ban-mwen lavi.

"Jete, blye, ranmase, sonje"

Vodou se yon pòt tankou tout pòt. E bèlte vodou chita nan posibilite ke-l ban-wen pou-m viv pouvwa Bondye ban-wen avan menm ke mwen mouri. Kòm yon gran mèt Indyen te di--"Lavi se rèv, mouri se lavi."

Langaj-sa se langaj Daki. Mistè ap toujou mistè touttan mwen pa konnen, men lè-m konnen li pa mistè ankò. Libète-m toujou-la pou-m aksèpte ou rejete. Rèsponsabilite-wen chita nan desizyon mwen pran. Libète-wen dwe makonnen avèk dwa Pèletènèl ban-wen, se sèl fason mwen ka pafè jan li menm tou pafè.



Repons sou sijè sa: