An repons a: Viv Bondye! Aba Relijyon! Jafrikayiti te ekri a,
Mozart Saintvil afiche mesaj sa, jou 16 Me 2000 a 14:17:26:
Viv Bondye! Aba Relijyon! se youn zouti ki pou ede reveye sila yo ki lage nanm yo nan boutey relijyon krisyanis yo. OtE a itilize youn kreyOl senp, li enviten w nan youn dialog. Plis n ap pale, plis nou gen kesyon, se plis n ap refere n ak divEs materyEl lOT otE te mete deyo pou ede n jwenn plis limyE sou relasyon Bondye, Bib yo, noumenm Ayisyen ak rEs limanite. Jafrikayiti fE konnen kibO l kanpe depi sou kouvEti a, mentou li di W aklE li pa gen repons yo se nan bouske nou ye. Pozisyon sa a sanble youn estrateji kote otE ta envite moun ki konfonn Bondye/Bib/Relijyon yo vin geri bosko yo annatandan yo kraze boutey ki kenbe lespri yo-a epi pousib chimen lavi an lib nEt.Liv la gen twa chapit, premye chapit la Jafrikayiti eksplike kijan li konprann Bondye, li pwofite fE de kout kOn ak sila yo ki apiye teyori "Big bang" ak evolisyon yo; dezyEm chapit la otE a pale de relijyon, li rakonte kijan premye kretyen yo debake Ayiti, aktivite yo te tanmen lE yo te fenk rive; twazyEm chapit la otE a envite w pran chimen libEte avE-l, nou vizite kEk moniman isotrik sivilizasyon moun nwa yo nan zOn 1400-1300 anvan Jezi kote fanm ak nEg te konn pran resposablite dirije wayOm yo.
Se nan dezyEm chapit la otE kOmanse fE otopsi krisyanis lan, lE l envite n pou al montre n "kilEs, kibO, nan ki epOk relijyon an batize epi nan ki kondisyon kretyen yo vin tabli prensip fondalnatal relijyon an epi epapiye li" toutpatou. Jafrikayiti nan mache chEche nan listwa, bib yo, ak lOt materyEl envite n pou vin fE youn refleksyon ansanm sou krisyanis la. Nou wE malis Pol ak Konstanten nan demach pou kenbe Juif yo anba otorite women yo, fondatE krisyanis, relijyon piyajE ki kontinye ap ravaje limanite.
EnfOmasyon ki nan liv sa a montre lEzOm malgre entElijans nou, nou se youn nan espEs ki pi frajil sou latE. Depi nou fEt nou tonbe anba menas oun bann teyori emosyon/pasyon/presyon ki anvayi, kokobe, limite lespri nou jouk yo lagenn nan youn twou pwennfEpa. M ap tou pwofite pataje avE nou pi gwo betiz mwen te janm kapab di nan vi m, sa te rive nan legliz Epifani bO mache Salomon: "Mwen renonse ak Dyab la, tout sa m pantan sou yo, tout vanite ki sou tE a…" pandan seremoni konfimasyon m. KilE m te nan Dyab? SEman pou abandone tout sa k sou tE-a,"fE dekabEs"ak sa ki di wayOm Bondye a se pou pOv yo, se panzou Oganize kretyen yo kontinye mare Ayiti jouk jounnen jodi a. FE youn kout je sou aktyalite nan peyi Kongo, tE min dyaman yo, peyi ap krisyanize, divize, chanje non…. Anfen Afriken ap mouri pa demi milyon, lE fini nouvEl ap vin jwenn ou byen abiye.
Mwen ta sijere w li "Viv Bondye aba relijyon". Ou pa pe boule, okontrE w ap byen kuit.Bouli