An repons a: Viv Bondye! Aba Relijyon! bobby te ekri a,
Jafrikayiti afiche mesaj sa, jou 16 Me 2000 a 20:39:09:
Kosmoloji = etid sou orijin ak devlopman linivè.Onè Bobby,
Nan « Viv Bondye, aba Relijyon !» nou site travay k ap fèt nan domèn kosmoloji paske nan premye seksyon liv la nou di : Linivè : Grandè, bèlte, lòd ki ladan li, tout sa se siy ekzistans epi pouvwa Bondye.
Nou mansyone obsèvasyon teleskòp « Discovery » ak « Hubble » ki bay enpresyon linivè a kontinye ap grandi pi plis chak jou Bondye mete. Men natirèlman, nou rete nan limit konesans nou kòm moun ki pa pwofonde nan domèn kosmoloji. Senpman nou site kèk liv enpòtan ki merite konsilte nan domèn sa a.
An plis, nan seksyon kote nou diskite osijè istorik chire pit ki tanmen ant syantis ak lidè relijyon yo, nou fè yon rale sou move konpreyansyon kèk moun genyen osijè « Teyori Bing Bang » lan ak « Teyori Evolisyon ».
Kidonk, nou manyen kosmoloji - men se pa sa ge nannan liv la.
Respè,Jafrikayiti