An repons a: Kafou jafrikayiti te ekri a,
Douma Lafontan afiche mesaj sa, jou 23 Me 2000 a 12:16:31:
One respe Jafrikayiti,Mwen remesye w pou opotinite pou dyalog lan. Mwen va rantre nan pi bon pati nan ko m pou m reponn de kesyon yo.
(1) Poukisa ou mansyone Etyopi an patikilye, aloske zanset yo te soti toupatou sou kontinan Lafrik Ginen (sitou nan Wayom Dawome)?
Nou tabli lyen Etyopi ak kilti ayisyen apati Rigo ki di Veve reprezante gran envizib tradisyon Etyopi. Se vre zanset yo soti toupatou nan kontinan Lafrik Ginen, anpatikilye Wayom Dawome, kidonk se youn fe ki senpleman afime youn menm kwayans, koutim, ak kilti tout abitan kontinan an. Kidonk, fragmantasyon Lafrik se youn fenomen mantal oswa move edikasyon. Pa egzanp, moun nan Ife (Ife se vil sen Nijeri) revele Wa Shango Iakouto Khevioso se youn Wa Kouch (Kouch se Etyopi). Jis jodiya pret legliz Etyopi kontinye pote baton sasedosal ki reprezante wayote soley menm jan nou jwenn nan Vodun an DanbalaWedo AyidaWedo.
(2) Poukisa "lespri" yo setoblije kwoke nan nyaj?
Se youn fason pou m peye omaj e sijere obeyisans a Boukman ki premye itilize li: "bon Dye la zot tande kache nan nyaj li."
- Kafou jafrikayiti 23/5/2000