An repons a: Kafou Douma Lafontan te ekri a,
jafrikayiti afiche mesaj sa, jou 23 Me 2000 a 21:33:12:
Onè Douma,Mèsi anpil pou repons ou pataje ak nou. Si mwen byen konprann Rigo ou mansyone a, se defen Jeneral Rigaud, milat ki te toujou nan chire pit ak Jeneral Toussaint L'Ouverture la?
Mwen konprann referans sou diskou Boukmann nan okazyon seremoni Bwa Kay Iman nan. Men, pou noumenm jounen jodi a ki konnen nyaj yo se yon konsantrasyon vapè dlo. Kidonk yon fenomèn natirèl ki pa pi diferan pase sa konpare ak vapè dlo ki ka fòme sou yon chodyè ki sou dife; Anplisdesa, nou konnen lespri n ap pale de yo la a, pa fèt menmjan ak nou, kidonk yo pa sètoblije gen yon espas kote yo kache. Oudimwens, èske gen kichòy ou konnen osijè materyèl ki fòme lespri yo ki lakòz yo bezwen yon kote pou yo rete?
respè,
Jafrikayiti