TWA FEY, TWA RASIN-O

[ Kesyon Moun Mande Anpil ]

An repons a: TWA FEY, TWA RASIN-O jafrikayiti te ekri a,

Gifrants afiche mesaj sa, jou 24 Me 2000 a 07:15:30:

Frè-an we,

W-poze kesyon, ti kesyon, gwo kesyon. Men mwen kwè ke-w deja genyen repons pa-w, e se dwa pa-w. Chak moun gen libète pou li wè lavi jan li ka konprann li. Jezikri te di:"chèche, wa trouve". Nan langaj pa nou, nou di:"Mache chèche pa dòmi san trouve". Vye frè-an we, nègò-w toujou ap chèche, e nèg gen kèk tan l-ap chèche.

W-te ekri:"Viv Bondye,aba relijyon", pouki sa? Paske-w menm tou, w-remake devyasyon, e menm gwo devyasyon, legliz fè atravè relijyon. Vodou-a tou gen gwo devyason,ki pa soti dikote lèsen, men kote moun, ki komprann trèbyen, lè yo gen konèsans lòt moun pa genyen, yo gen pouvwa, e pafwa menm, anpil pouvwa.

Mwen ka di-w anatandan, ke blan fè kariti djab tankou nèg nwè, e SenMichèl an blan, sou tèt Satan nwè, se tòkèt-la, chaj-la dèyè. Pa gen ras sou latè ki pa konnen egzistans Yon sèl Bondye, oubyen yon Sèl pouvwa santral, oubyen plizyè bondye, plizyè zèspri. E lè yon moun ale nanfon lèchòz, gen verite, gen devyasyon.

Majorite frè-m ak sò-we Ayisyen, wè vodou tankou sous pou lamanjay, pou lachans, pou laprotèksyon, pou lekonba, pou lapedantri, pou lasipèstisyon, mwen te toujou wè li tankou yon pòt. Pòt-la louvri byen gran pou we, mwen deja pase-li pou devan. Saki dèyè ka gen ti pwoblèm pou konprann. Nan boukante lide, si gen lafwa profon pou Jezikri, Kreyatè-nou, e volonte pou jwenn Papa-li, ki Papa nou tout, nan Paradi, lèspri nou a rankontre pou lakominyon, e yon adorasyon totalkapital kap pèmèt nou komprann san janmen sezi totalman, ke-w vle ou ke-w pa vle, lemistè de Dye.

Repons sou sijè sa: