An repons a: Kafou jafrikayiti te ekri a,
Douma Lafontan afiche mesaj sa, jou 24 Me 2000 a 08:29:46:
Bonjou Jafrikayiti, Non mon che se pa Rigo sa a. Daye, kom ou konnen msye milat sa yo te edike an Frans. Sitasyon an se Milo Rigaud ki ekri Diagrammes Rituels du Voudou an 1974. Osije dezyem pwen an, fok ou pa bliye teks lan pa mansyone lespri, men pito zanset yo. Kidonk, piske mond lanmo mal sitiye. Li pa sanble moun rive fe ako sou sije sa a. Eske l nan lanme, sou late oswa nan syel? Se sa ki esplike chwa m fe pou m ekri: "zanset yo kache nan nyaj." Li kle se youn alegori.Fre m, youn lot fwa mesi anpil pou dyalog lan. Pemet mwen mete menm ak pa w pou remesye met sit lan ki fasilite fowom sa a. Se youn travay ki va elaji; pou mennen ayisyen anve pwosesis desizyon inanimite. Youn lot fwa, ti kozman sa a se tout youn plezi pou mwen. kenbe red.