Yon kesyon sou Kreyòl pou Gifrants ak lòt moun

[ Kesyon Moun Mande Anpil ]

An repons a: Yon kesyon sou Kreyòl pou Gifrants ak lòt moun Pwofèt Jozèf te ekri a,

Gifrants afiche mesaj sa, jou 26 Me 2000 a 13:03:35:

Onè, rèspè, frè-an we

Avan mwen reponn kesyon pouki sa mwen pa kwè fèmeman ke kreyòl-sa se yon lang ke nou dwe konsidere pou lang ofisyèl developman peyi Dayiti,--sitiyasyon kap pèy mande pou kelke swa moun ki anvi fè biznis ak peyi Dayiti pale kreyòl, men mande tou ke 1o)oubyen Leta Ayisyen pran lisans pou tradiksyon tout konèsans sèvo Mouche blan, Mouche jòn e tou Mouche ble, mwen vle pale de moun ki fèt an Nind(Inde) 2o) Liv sa yo tradwi pou nou, pa moun sa yo avèk ou san kolaborasyon-nou--mwen ka renmen di ti pawòl-sa.

Mwen,Gifrants, pa pran tèt mwen ni pou pi gran e sèl konèsè, ni pou nèg ki pi entèlijan, ni pou Ayisyen ki pi gran patryòt pase pèsonn. Motivasyon-mwen pou mwen bay opinyon-we pa kakash manba ni pou glwa, ni pou konpliman, ni pou pedantri,e sa mwen pran Letènèl pou temwen. Mwen gen 43 rekòlt kafe sou tèt-mwe. Si mwen pa sousye-we de konbyen m-a wè ankò, detèminasyon-we pou mwen fè sa-m kapab, nan posibilit-an we, pote kole nan jefò tout moun ap fè, non sèlman nan sa ki konsène pwòp pey-an we, men planèt-la anjeneral, pa janmen tari toutan ke souf-mwen la.

Abitan-an di: "Abitan pa mize lavil" paske li livre a li menm sèl. Tout moun ap toupiyen zodo li, manke li dega, imilye-li e poutan se li ki tout-a Ayiti, nanm Ayiti nan men-li. Rezistan-li pa soti nan chanjman ke li pa vle, men nan KONFYANS KE LI PAKA FE ZOTOBRE LAVIL.

Nèg lavil di li Ayisyen, men "li fen k-on blan". Tout sa ki "peyi pa gen kalite", men pale-mwa de Pierre Cardin. Ayisyen gen FO FYETE. Yon moun sipoze fyè dèske-w pran rèsponsabilite-w, fyè dèske-w gen gason ou fanm sou-w pou-w rezoud pwoblèm lavi prezante,ikonpri PWOBLEM POLITIK. Nèg jodi se pigwo KONBATAN, REVOLISYONE, NEG KONSEKAN, NEG VANYAN, etcetera, etcetera e ra. AK DJOL-YO!

Developman pote chanjman e nan lang, e nan koutim, e nan panse, e nan lèspri. Empòtans yon lang dwe disparèt devan sivi yon pèp e yon peyi. Kapasite yon pèp genyen pou siviv e egziste tankou yon pèp okou de egzistans-li tank-on pèp montre degre nivo mantal-li ak intèlijans-li. Se pa de, ni twa devyasyon ki fèt nan relijyon vodou, nan koutim-nou, e yo fèt an kreyòl. Korèksyon sa-yo ap trè di pou korije an kreyòl. Pito nou mache pou pi devan. Lepase se lepase, e kòm-w ka wè pa gen Tousen Louvèti ankò, pa gen Desalin ankò, pa gen Chalmay Peralt ankò. Sa ki anvi ranse ak djòl-yo sempleman di "yo se pitit-yo"! Mwen pap fè-yo ni onè ni favè mande yo pou yo montren-we batistè-yo!

Nou dwe pran avni peyi Dayiti kote Kristòf te kite li--avèk yon fèmte, yon disiplin de fè, e yon detèminasyon farouch pou nou pwogrese. Nèg save fè konprann pito li te yon feyodal, olye pou souliye kontèks e konsèp libètinaj Ayisyen ap pran pou libète. Men ki kote li mennen nou!

M-ap sib! Sa pa vle di dutou, menm lè-w tande mwen di "lese yo fè", mwen pa pran rèsponsabilit-an we, paske se granmoun ki non-we.



Repons sou sijè sa: