Viv Bondye ABA Relijyon

[ Kesyon Moun Mande Anpil ]

Guy Antoine afiche mesaj sa, jou 03 Jwen 2000 a 16:31:29:

Gade pa anba, ou va wè yon lyen, klik sou li, epi foto liv Jafrikayiti a va parèt. Jan te ban mwen vann yon douzèn liv pou li. Mwen panse ke se yon kokenchenn konesans ak refleksyon Jan te etale la pou $15 a. Men alaverite, mwen wè nou menm nan REKA oubyen nan gran piblik la, nou pa achte liv la nan men mwen. Se pou sa m ap envite Jan yon lòt fwa ankò pou li di nou kòman nou kapab fè pou nou achte liv la nan men li dirèk-dirèk osnon nan men lòt biznis.

Tout gwo diskisyon nou sot fè sou Vodou ak lòt sistèm kwayans ki genyen toujou, yo ta pi enteresan toujou si yo te rantre nan kad diskisyon liv Jan an. Ke nou dakò avèk agiman li yo, ke nou pa dakò. Men Jan jete yon bèl baz pou nou avanse tout diskisyon sou relijyon.

Men sa nou ka di sou sa, si nou refize achte liv la. Li pa enpòtan ditou nan men kiyès nou achte li. Se pousa, m ap mande Jan di nou klèman tout jan sa kapab fèt. Men se pa pwopagann m ap fè pou Jan, mwen li liv la, sè mwen li li tou, e gen yon pèsonaj ki bebisite timoun mwen yo mwen te ba li li liv la tou. Nou fè gwo diskisyon sou sa. Pèsonaj sa li kwè ke tout moun bezwen yon asanble pou li vin konnen Bondye, li kwè ke gen yon legliz ki nesesè kanmenm, menm si se katolik, menm si se batis, menm si se advantis, menm si se temwen Jeova. Men mwen pa kwè li konsidere ni Vodou ni lòt relijyon sou la tè ki pa baze sou Jezikri. Men mwen sezi lò mwen wè li li tout liv la, e li reli li ankò. Chak jou nou diskite ti mòso nan bagay Jan te ekri yo. Mwen pa kwè l ap janm rive pataje menm panse ak Jan, e poutan manmzèl apresye bon bèt li sot li yo. Liv la kont fason li menm li renmen panse, e poutan li tèlman kontan li liv la, li pran li nan men mwen e li di li pakò prèt pou li remèt li.

Kidonk, mwenmenm mwen envite nou fè ti depans tou piti sa. Rezon an se pa pou nou sipòte ni Jan, ni mwen menm ki te aksepte vann detwa nan liv yo, men se pou tèt pa w. Eske ou panse sa vo $15 pou ou ta anrichi lakonesans ou, espesyalman lò sa fèt nan lang manman nou an?


Repons sou sijè sa: