Yon kesyon sou Kreyòl

[ Kesyon Moun Mande Anpil ]

An repons a: Yon kesyon sou Kreyòl Michel-Ange Hyppolite te ekri a,

Gifrants afiche mesaj sa, jou 05 Jwen 2000 a 12:48:49:

Mon chè Mikèlanj,

Mwen remèsye-w anpil dèske-w ankouraje-mwen kontinye chèche, ki se yon bagay, dayè, mwen pap janm bouke fè.

M-ap kòmanse pa di-w, ke mwen pa alèz ditou, pale de bagay ke mwen konnen lòt moun ap di pou vale. Fyète nèg nwè chita sou lepase, yon pase ke yo di blan-an vole, degize, dechalbore, denigre, anfen, anfen, anfen. Wayòm konn detwi, disparèt, se vre. Men sa-a, pa fasil pou konèsans. Si nèg nwè te fè piramid,jodi-a fè nèg nwè, tou natirèlman, ta chita byen angran akote blan pou èksplore linivè kòm sa dwatèt. M-ap viv o Zetazini, mwen wè Italyen mande anraje nan konstriksyon. Ki pa etnonan, paske Wòm,(Rome) te montre sa li ka fè, nan enfrastikti atèlpwen ke Ceza (César) te di: "Tous les chemins mènent à Rome". Li pa te di sa sèlman pou pouvwa ke li te genyen. Anjeneral, mwen pa konnen si se lèkskalvaj ki fè sa, mwen konstate ke gen anpil bagay ke nwa, anjeneral, pa montre afinite pou anpil bagay. E antre nou, fè nou dakò, ke lèspas pa yonn nan yo. Verite kosmik ki chita nan piramid-yo genyen anpil matematik, e menm pozisyon zetwal ki ka lese moun konprann ke moun-sa yo, ki bati piramid yo, santi zantray-yo makonnen avèk kèk kote ki anlè nan zetwal-yo. Ki toutafè diferan de grangranpapa-nou, ki lè yo k-ap mande sekou, se lèdye de latè beni, yo k-ap rele. Dayè, ginen pa nan syèl, li anba dlo, li an Afrik, kote-w vle, sòf anlè. Si nèg nwè te gen gran kouran panse pou yon linivè ki anlè, atèlpwen ke yo bati piramid, nan episant latè, avèk yon distans byen kalkile pou otè piramid-sa yo, ke lè-w miltiplye otè piramid-sa yo pa 1,000,000,000, li ba-w distans de latè o solèy, atachman-li pou sa ki anlè ka va montre piplis ke rezistans ke menm pwòp zansèt-nou ba labib ki pale de Bondye ki anlè.

Mwen remèsye-w ankò anpil. Men mwen, m-ap fè konnen mwen pa yon fanatik, mwen pa fanatize, mwen senpleman yon nèg k-ap chèche verite, e mwen aksèpte-li menm si nan konklisyon-wen, apre tout rezonman ke mwen fè apati de fwa-wen, e de entèlijans Bondye ban-wen, verite-sa pa anfavè de sa mwen te kwè, oubyen de pase-wen tankou yon desandan nèg nwè, oubyen de mwen-menn konsènan vi-an we. E se konsa tou, mwen tou fèmen chapit-sa.

Mèsi anpil. Boukante lide-sa trè enteresan.



Repons sou sijè sa: