Yon lòt kesyon sou Kreyòl

[ Kesyon Moun Mande Anpil ]

An repons a: Yon lòt kesyon sou Kreyòl Guy Antoine te ekri a,

jafrikayiti afiche mesaj sa, jou 07 Jwen 2000 a 12:37:04:

Onè,

Mezanmi kanmarad la poze kesyon klè, kidonk annou eseye respekte liy kesyon yo. Alòs, m ap eseye mete m opa.

Guy ekri:

"…absans "u" nan estanda OFISYÈL la, epi enplikasyon sa genyen pou tout moun. Paske tout
voum pa do."

Enpresyon pa mwen sèke mesyedam lenguis yo chwazi ranplase "U" ak "I" paske son majorite a itilize nan sitirasyon kote se "u" franse a ki adaptre an kreyòl pi pre "I" pase "U" . Men, ojis li pa toujou sonnen tankou "I" vrèman vre. Konsa, li pa fasil pou ou jwenn pwotestan ki aksepte ekri "Jezi" nan Chandesperans yo osnon menm lè y ap chante yo prefere di JEZU. Men majorite moun mwen kwè se JEZ (L) yo di. Kòm mwen pa lenguis mwen itilize siy (L) la pou montre gen yon kichòy annapre I a. Mwen pa konnen ki siy pou mwen itilize pou reprezante son sa a. Li ant I (tout dan griyen an) epi U (tèt bouch won an) .

Antouka, mwen kwè se yon konvansyon ki alorijin eliminasyon "U" a paske nou pa gen son U "tèt bouch tou won an" vrèman nan kreyòl la.

Guy ekri:

"Eske gen diferans nan izaj "ui" avek "wi"? (manje kuit ak manje kwit, lannuit osnon
lannwit)"

Bon, Òtograf ofisyèl la rekonèt toulede posiblite yo. Mwenmenm pèsonèlman mwen abitye tande moun ki di lannuit . Konsa tou mwen abitye tamnde lanwit. Kidonk, mwen sipoze toulede valab daprè lojik fonetik la. Pa sa?


Guy ekri:

"Menm si nou aksepte diferans rejyonal nan pwononsyasyon (prononsyasyon) mo yo, sou
pwen Òtografik la, ki lojik ki fè nou aksepte ekivalans "ui" avèk "wi", "wo" avèk "ro", "wò"
avèk "rò", "wou" avèk "rou", e ensidsuit (ensidswit, elatriye)? Mwen pa kwè se diferans nan
dyalèk rejyonal yo ki alabaz diferans sa yo. Nou pa kapab apiye sou diferans nan dyalèk
rejyonal pou nou eksplike (ekskize?) tout bagay. Paske se pa tout bagay ki valab. Tout règ se
règ, men lò règ la poze sou yon prensip fondamantal, nou ka rive asimile yo pi byen. Se dèyè
prensip sa yo mwen ye."

La mwen gen ti pwoblèm tou. Paske itilizasyon "wi" avèk "ui" parèt lojik paske yo pa pwononse menm mannyè. Kidonk, lojik diferans rejyonal la valab pou li. Men kanta pou ekivalans "W" ak "R" la mwen pa konprann li.

"W" pa jwe menm wòl ak "R". Kidonk, mwen pa wè nesesite pou lenguis yo te kite konfizyon sa a nan mitan nou.

Wòl se wòl, li pa ròl. Konsa tou konprann pa ka ekri "konpwann".

Pou koze "we" "wen" an, mwen pa konprann anyen ditou nan sa.

Si se pou diferans rejyonal, mwen ta rekonèt "Frè an mwen" - "Frè anm" ; "pitit an mwen" - "pitit anm". Men mwen espere kanmarad Gifrants va eseye klarifye kozesa a pou nou ankò.


Respè,

Jafrikayiti


Repons sou sijè sa: