An repons a: Viv Bondye ABA Relijyon Michel-Ange Hyppolite te ekri a,

Mozart Saintvil afiche mesaj sa, jou 08 Jwen 2000 a 13:50:08:

Viv Bondye! Aba relijyon!

Malgre jan mwen damou tit liv la, men se pa ti esklamasyon sElman mwen ta mete dEyE Bondye a. Tankou kouzen Kaptenn te deklare-l nan younn nan mesaj li yo, li gen anpil kesyon pou premye chapit la, m ap tou pwofite envite misye ak tout otE a, si nou gen chans, announ fE youn ti chita pou debat kek kesyon sou chapit Viv Bondye a.

Pou kOmanse, Viv Bondye! Eske Bondye se younn kreyatE tousenp, oubyen youn bon papa ousnon bon manman, oubyen li se tout ansanm?
Eske GranmEt la se anvironman an?
Eske Bondye pran ka nou toutbon jan pawOl la di-l?

Mwen gade syEl ou fE ak men ou lan, lalin ak zetwal ou mete
Ladan li mwen ap mande: kisa lEzOm ye pou ou sonje yo konsa...
Pou ou pran ka yo konsa?

Eske sa pa sanble pawOl youn kretyen?
Eske Bondye demisyone?
Eske fOk nou kreye youn lOt pou ranplase-l?

Annatandan se ti kesyon sa yo mwen genyen, m'ta renmen nou fE youn ti brase lide sou yo.

Kenbe la,
Bouli

---

Repons sou sijè sa:

• Viv Bondye ABA Relijyon jafrikayiti 10/6/2000
  • Viv Bondye ABA Relijyon Mozart Saintvil 13/6/2000

---