Pou Ayiti Fni ak Kriz Politik la

[ Kesyon Moun Mande Anpil ]

An repons a: Pou Ayiti Fni ak Kriz Politik la Gifrants te ekri a,

Gifrants afiche mesaj sa, jou 09 Jwen 2000 a 12:50:04:

Onè, rèspè, lasoyete,

Mwen kwè li lè pou wen, Gifrants, retire-wen nan fowòm-lan. Mwen remèsye Guy Antoine anpil pou opòtinite mwen te genyen pou'm te rankontre lòt kanmarad pou nou boukante lide sou sa ki dwe konsène nou tout: Peyi-nou peyi Dayiti.

Mwen pran lefè ke Madan Claudette Werley retire tèks-li a kòm yon ensilt pèsonèl,--m-ap pale pou tèt-mwen--si lòt moun vle pale pou tètpa yo, e konprann sa-k pase-la, se bagay ki konsène-yo.

Deklarasyon ke mwen fè se opinyon Gifrants apati de non sèlman de konviksyon Gifrants genyen nan zafè politik, byenke mwen pa politisyen, e mwen pa antann vinn yon politisyen, e sa ke yon moun vle kwè ou pa kwè, ke yon moun vle filozofye ou pa, men tou apati de èksperyans-mwen.

Tout moun gen yon pase, e se pase-sa ki pèmèt tout moun, si yo vle pran pòz granmoun-yo yon jou, konpòte-yo jan yo kwè, ak konsians-yo, pou yo kontribye sa yo kapab pou fè lasoyete avanse pi devan. Nan kontèks-sa, m-ap tou pwofite remèsye Madan Claudette Werley ak mari-li Georges Werley, ki te anpremye te pale-nou de diferan sistèm politik nan CESO (Centre d'Etudes Sociales) nan kolèj Notre-Dame. E remèsiman-sa, se yon remèsiman sensè paske jodi-a, je-wen pi klere anpil sou zafè politik ase pou mwen fè yon chwa, yon chwa ki petèt jodi-a pa fè anpil nan pwofesè-mwen yo kontan etandone ke anpil nan-yo sou pouvwa e ke mwen, Marcien Guy-Frantz Toussaint, reprezante lepase, e yon pase ki baze sitou sou yon fraz mwen pap janm blye:"Nous voulons former des hommes."

"La critique est aisée, mais l'art est difficile." Commentez.

Nou te fè-m kòmante-y lè mwen te piti. Mwen pa kòmante ankò. Anfèt jodi-a, malgre nou nan pozisyon, kote-nou kwè nou pa dwe-m èksplikasyon dutou, paske nou chèf, mwen te ka fè-nou kòmante-y. Mwen konnen kòmantè-nou k-ap genyen tout lojik, tout èksplikasyon pou montre jan nou "à la hauteur de votre tâche."

Siyati-w pa finn chita byen pami nou, paske sa kap di-la, gen lè li pa mande pou yon moun de "votre statut" k-a rive gen oubyen reponn oubyen pa reponn vye bagay k-ap di. Demokrasi se yon mo oken kominis, ke-li bon kominis, ke li fo-kominis, ap janm konprann, ankò mwens obsève. Se yon rèv e yon fado l-ap toujou rete pou Ayisyen. Depi-m te finn ekri "Pou lanmou peyi-mwen, peyi Dayiti", mwen te konnen ke kout plim-sa non sèlman k-ap meten-we nan pozisyon pou-m pa pale nan fowòm ankò, e sa ak desizyon pèsonèl-mwen, men li ka lakòz tou, moun ki ka konprann kòmanse poze twòp kesyon ki ka twòp pou tèt-yo e twòp pou wen tou.

Malgre Kolonèl Gerard Louis te fè fèmen CESO, mwen Gifrants, mwen te kontinye chèche, kontinye aprann, e lènmi-an ki pi mechan-an pa te twò lwen-we. Se pa ni wè, ni konnnen li pa konnen pwoblèm-yo, li senpleman goumen pou se pa li ki anba, k-ap andire pwoblèm-sa yo. Lè li monte tou, ki pa fasil dutou, pwoblèm-li tounen detèminasyon pou li ba tounen desann anba. "La charité bien ordonnée commence par soi-même." Konviksyon nèg chita sou sa yo ka fè pou pwòp tèt-yo. Kòm nou tout konnen byen jodi-a "Le capitalisme n'est plus un péché mortel".

Se pase mwen t-ap pase. Lè kadav-mwen atè, se vi-wen ki fenk kòmanse. Pèsonn pa fè-wen tò. Si-m te kwè tou, yon moun te fè-wen tò, mwen gen libète, men mwen pa gen dwa-a, paske-m se yon granmoun ki gen yon Mèt mwen dwe e mwen vle rankontre, men mwen gen libète,kòm mwen di, pou-m te mache sou moun-sa kòm sadwatèt pou-m fè-yo peye-wen tò-sa.

Chers professeurs, aujourd'hui je suis l'homme que vous avez voulu former. Je suis fier de moi, mais pas de vous. Cela ne peut et ne doit nullement vous surprendre: "La reconnaissance est une lâcheté."




Repons sou sijè sa: