An repons a: Yon kesyon sou Kreyòl pou Gifrants ak lòt moun--Yon ti Korèksyon Pwofèt Jozèf te ekri a,
Remon Jisten afiche mesaj sa, jou 10 Jwen 2000 a 22:35:55:
Kwak gen yon kanmarad boulpik mwen (Douma) ki te envite m bay opinyon m nan rale sa a, mwen te pito sere koze m. Rezon an se paske nan keksyon sèvi ak lang ayisyen an, se devan mwen vle pike. Mwen te panse deba sa a se yon batay aryègad, konsa mwen pa te vle pèdi tan tounen dèyè al gaspiye katouch pou granmesi.
Men apre mwen koumanse li "Viv Bondye, Aba Relijyon", liv Jafrikayiti, mwen vin chanje lide. Men yon echantiyon chelèn ki montre klè kou dlo sous, kreyol ayisyen an pa manke anyen pou lòt lang nan aktivite takle koze konplèks. Tout lide m di mwen kanmarad Gifrants se yon fouyapòt onèt k ap bouske laverite. Si mwen pa manti, m ap konseye li ale li ti liv sa a, kit li dakò, kit li pa dakò avèk pozisyon otè a. Si apresa, li toujou kwè lang nou an pa kalifye pou fè ledikasyon, li va ban m nouvèl.