An repons a: Esperans Dezire Lunine Pierre-Jerome te ekri a,
Michel-Ange Hyppolite afiche mesaj sa, jou 16 Jwen 2000 a 16:15:15:
Mwen pa vle pran lavwa sou Esperans Dezire jodia. Men vyèytimenn mwen se youn bèl liv.Lunine mansyone aspè restavèk la, men anplisdesa te gen youn kòd lanmou wòdpòte ki te makònen Yaya ak pitit mètrès kay la. Mwen di sa paske otè a pa janm demontre rayisans ni nan kè Yaya ni nan kè pitit mètrès kay la ( mwen pa sonje non misye paske liv la pa avèk mwen la a). Menm lè Yaya ap plenyen nan move moman li ak grann Tazi, li toujou sonje dousè ak fòs lanmou ki te ini li ak jennonm lan.
Alaverite misye pa te gen okenn move entansyon ,okontrè entansyon li se te mete lakonesans sou Yaya. Men kòm fanm ak gason se alimèt ak gaz seyans ledikasyon an vin devire sou lanmou.Si lanmou nan mitan de mounn sa yo vin depafini jan li vin fini an se akòz anpriz manman jenonm lan sou li epi anpriz sosyete a sou manman jenonm lan.
Apa aspè lanmou an ki te nan liv la, Deyita ,otè liv la, te fè youn bèl prediksyon. Li te kreye youn aktè fanm ki te rive pase kòm prezidan peyi a. Epitou youn ane osnon de apre liv la te fin soti, Ayiti te vin genyen youn premye fanm kòm prezidan nan non E.P. Trouillot. Sepandan se domaj gouvènman E.P. Trouillot pa te rive fonksyone menmjan ak gouvènman Esperans Dezire a.Bon tande non!! Pa gen Esperans Dezire kay Mapou ankò. Mwen te vann 3 grenn ki te rete yo ak zanmi ki te nan rankont REKA a nan Miyami. Dimwens mwen te ankouraje yo achte 3 ti grenn ki te rete yo.
Nou kab tyeke nan Haitiana osnon ak Max Manigat nan Haitibooks@aol.com
M'ale
Se te Michel-Ange Hyppolite