An repons a: Eleksyon nan peyi nou Michel-Ange Hyppolite te ekri a,
Michel-Ange afiche mesaj sa, jou 18 Jwen 2000 a 21:21:23:
Mwen ap kontinye sou menm woulib maten an.
Men telefòn noumenm mounn ki vle aji kont koudeta elektoral la ka sèvi pou nou kòmanse kanpay mobilizasyon an. Jan mwen tande koze yo ap dewoule nan nouvèl, mwen tande nan radyo Ottawa kat mare katòz ankò. Se kòmsi pèp la pa gen dwa nonmen pwòp mounn pa li sou pouvwa a .
Mezanmi lè a rive pou nou aji.
Men twa nimewo telefòn nou kab konpoze pou nou mande OEA ak parèy li yo pou yo kite pwosesis demokratik la fè chemen li anndan peyi a. Jan mwen tande nouvèl yo se kòmsi yo sòti pou yo bay pèp la youn gòl ak men.
Gen manifestasyon tou ki nan preparasyon pou Wachintonn nan mwen jiyè ane sa a ( 2000)
Men nimewo yo:
Bill Clinton
202-456-1414
Gen de nimewo pou kongrè Ameriken an. Men yo:
202-225-4501
202-224-6253.
An nou leve kanpe pou meriken sispann jwèt enjerans lan nan eleksyon an.
Annou rekòmanse foubi zam beton nou ankò. Gen kèk tan depi mwen te toujou di mwen pa nan beton ankò, men jan jwèt la pati la a, se lonè peyi Ayiti ki sou biyòt ankò. Kèlkeswa Ayisyen an, depi li renmen peyi li tout bon li pakab rete kanpe ap gade . Li dwe kanpe pou li goumen kont nouvèl fòmil okipasyon Meriken ap manniganse sou nou jounen jodi a.Zanmikanmarad pa rete nan kanpe lwen . Se sa menm yo bezwen pou yo kontinye ap drive do nou atè. Manche telefòn ou pou ou di Meriken non!! non!! epi non!!
Si nou bese paviyon nou san lè wè Meriken lage Dominikani vin okipe nou.
Alalit
Michel-Ange
Depi nou gen nouvèl sou devlopman eleksyon an pa ezite poste yo pou tout mounn konnen kijan koze a ap dewoule nan peyi a.
- Eleksyon nan peyi nou Mozart Saintvil 20/6/2000
- Eleksyon nan peyi nou Guy Antoine 19/6/2000
- Eleksyon nan peyi nou Michel-Ange 19/6/2000