jocelyne mayas afiche mesaj sa, jou 19 Jwen 2000 a 22:22:29:
Queens Empowerment Centre for Haitian Immigrants, Inc genyen "Saturday Class at Saint-Francis Church" nan Brooklyn, depi Septanm 1996. Nou montre konpatriyòt yo li ak ekri chak samdi, soti 8:30 nan maten pou rive midi. nou fè kou anglè pou moun ki deja konn li. Nou fè enstriksyon sivik pou moun ki bezwen vinn sitwayen ameriken. Sèvis sa a yo gratis. Nou bezwen volontè pou ede nan konbit sila a pou n kapab rive genyen yon bon kou konpatriyòt ki kapab li ak ekri pou 2004.
Nou vle mete yon klas nan Queens to, men si nou pa gen profesè, konbit la p ap k a mache. Tanpri kontakte nou pou plis detay, paske elèv ap vide sou nou chak samdi. Enkouraje pitit nou patisipe nan pwogram nan pou nou tout kapab mache ak tèt nou pi wo.Tanpri ede n pote chay sa a, rezilta a ap bon pou nou tout. Mèsi pou konpreyansyon nou. Nou k a rele m nan 718 776 6999.
kenbe fèm, jocelyne mayas