An repons a: Eleksyon nan peyi nou Michel-Ange te ekri a,
Mozart Saintvil afiche mesaj sa, jou 20 Jwen 2000 a 14:33:47:
Si genyen youn dezyEm tou eleksyon, se pou pEp la konnen rezilta premye tou-a, pou-l kapab chwazi kandida prefere li-a! Sa pa janm fEt. Pandan jou ap vanse, 25 jen rive san moun yo pa konnen dekiprevyen kandida yo te vote yo. Timalis kandida dEyE mikwo (opozisyon) yo panse yo te ka fE pEp la vote menm kandida ki deja pase yo pa-p mache, menm lE yo lage dwOg nan lakou-a pou peye chimE, frap, zenglendo k'ap kraze vit machin, boule kay eltr., yo paka defEt eleksyon an. Nou paka kwaze bra gade sa k'ap pase la-a.Se pou nou mobilize tout 10e. lan tankou sa te fEt aprE kout fouk Bush, CIA, Makout restavEk lakay. Sitiyasyon jodi-a tEt koupe ak lavEy kout fouk sa-a. Sonje sa te rive de (2) jou apre prezidan peyi-a fin denonse machann dwOg nan mitan lame-a, li t'ap mande LONI ak Bush pou ba-l you kout men pou kwape aktivite dwOg la nan peyi-l, men se limenm yo te konsidere kOm moun fou. Kantite dwOg Michel Francois ak chEf li, KonpayEl li te gen pou lage nan geto Etazinyen yo potko kont. Menm ansyen prezidan Carter ki te konsidere gwo chanpyon dwadelOm pa-t gen pwoblEm ak zak asasinay, teroris, kadejak san manman yo te fE sou popilasyon-an, li t'ap negosye kantite kOb ak peyi bann chawony parEy li yo te ka viv san tEt chaje. Daprezavwa yo te obeyi tout lOd sitou prezEve dokiman FRAP yo pou patron yo. Si nou pa leve kanpe jodi-a, pou kore demokrasi-a chak fwa-l vanse, nou sanlE wE-l degrengole nan men-n.
Kanmarad, nou remake se pa premye fwa ofisyEl nan peyi-a ap jwenn presyon. Sa-k fE Leon Manus kouri-a pa sanble youn ti menas dEyE manman, misye tElman pE l'poko menm kab pale de djab ki fE-l pE-a. Mwen sOt rele nimewo Kaptenn te bay yo, kite mesaj nan mezonblanch, men m'ap chEche jwenn ekstansyon kEk kongrEsmann ki kab pi konsEne sou pwoblEm Ayiti yo. Ann lage koukouwouj nan tout radyo kominotE yo pou nou fE youn rasanbleman wachington. Mezanmi, eleksyon sa-a pi enpOtan pase prezidansyEl la. Ann goumen jouk li wE jou. Yo kab kounmanse entimide, rive menm elimine kEk manm KEP la pou yo lage peyi nan deblozay menmjan yo t'ap fE presyon kraze brize sou pretEks pEp la pEdi pasyans. Menm lE nou konnen se bann konsiltan gwopans yo k'ap tann ti lolit yo lage tete peyi-a nan dyOl yo.
Ann klewonnen tout zanmi, bat kata rasanbleman-an, diskite sa nou ka fE nan moman nou ye la-a. Nou rive nan kalfou tenten.
Kenbe fEm,
Bouli
Eyy! Men adrEs elektronik senatE Kerry (youn demokrat) pou Massachusetts (Boston)
(John_kerry@kerry.senate.gov)
Sa-a se adrEs Kennedy youn lOt demokrat pou Massachusetts
(Edward_kennedy@kennedy.senate.gov)Epi sa-a se adrEs kongEsmann Conyers youn demokrat pou Michigan
(John.conyers@mail.house.gov)
Nou kab jwenn adrEs lOt ofisyEl lE nou rele nimewo Kaptenn bannou yo.