An repons a: Mwen la toujou! M ap pran kou men m ap bay tou! Dahoud Andre te ekri a,
jafrikayiti afiche mesaj sa, jou 28 Jwen 2000 a 09:45:49:
Respè kanmarad Dahoud,Kouzen, mèsi anpil pou kokennchenn chenn pawoli sewòm natirèl sa a.
Anverite chak fwa mwen tonbe sou sòlda vanyan tankou ou, mwen di Ayiti bèl, Ayiti djanm, Ayiti VIVAN! Wi, nou la epi nou bèl.
Kontinye feraye rèd nan Konbit Vijilans, kontinye goumen pou lavni Amadou ak Lanmoukaji kapab pi bèl pi klè.
Sonje kouzen Zaka ou pa poukont ou nan konbit la. Distans lekzil separe fanmi a, men tanbou rasanbleman Nèg Mawon pa kraponnen devan fwontyè atifisyèl lèzòm kolepyese.
Menmsi ou antòtye nan 17 chimen, depi ou jwenn jwen pa neglije konnen lanbi a pou nou tout kapab sèten ou la, ou ap feraye pi rèd. Grif zwazo mechan k ap vòltije anwo tèt nou yo, se grif ki file, detanzantan fòk nou fè apèl zanfan yo. Mwen kontan Kaptenn te frape, mwen kontan wè ou reponn enganm! Ayibobo!
Salitasyon pou Amadou ak tout lakòd fanmi ou, san bliye ekip solid Konbit Vijilans lan.
Jafrikayiti"Lanmou pi fò pase lanmò!"