LEGBA afiche mesaj sa, jou 29 Jwen 2000 a 16:28:36:

Ayisyen toupatou, anou lite ansanm nan yon leve kanpe pou n sove diyite pèp nou an.Mwen pa yon ekspè nan dwa entènasyonal, men mwen kwè ke Karikòm pagen dwa vini an Ayiti avèk yon gwo delegasyon pou l vin twouve yon solisyon pou regle zafè kontay Eleksyon 21 me a ki deja fini ak rezilta pibliye, si gouvènman ayisyen ak tout KEP pa te envite yo. Se yon gwo wont pou nou tout Ayisyen denonse paske menm nèg nan Karaibe yo vle pase anba pye yo souverènte peyi Dayiti ak tout diyte pèp nou an. Fò nou kontinye avèk pwosesis eleksyon an. Karikòm e LOEA vle kreye yon pwoblèm ki pa eksiste. Vye zanmi oubyen Zangi Ayiti yo, LOEA ak Karikòm vin an Ayiti jodi a pou yo bloke eleksyon 21 me a e tout pwosesis elektoral pou yo kreye yon krize manch long ki santi enjerans ak okipasyon. Pèp ayisyen bouke ak krize pwovoke pa msye etranje sa yo. Fò gouvènman refize medyasyon yo tout swit si se pa limenm ki te rele yo: Ase tounè!Kisa nap pèdi si nou pa fè pati de LOEA, de Karikòm ak frankofoni?