jafrikayiti afiche mesaj sa, jou 21 Jiyè 2000 a 22:07:24:

Onè Kanmarad,

Yon ti nòt tou kout pou souliyen satisfaksyon mwen santi lè mwen fin siwote dènye albòm Emeline Michel la "Cordes et Ames".

Fwa sa a nègès la mete bon bagay nètalkole depi sou kouvèti jouk nan fon nannan albòm nan.

Gen yon siwolin ki rele "Pè Letènèl" li pati konsa:

Si w konnen jan m gen lapenn
Lò m wè w kouche sereng lan venn
Anpil prezidan avi, vivi ti sousou fin souse w
Rayisman move santiman
Fèn manje men k bannou manje
Sa k rive moun yo la
M pa rekonèt Ispanyola...

Bon mizik, bon tèks, bon òtograf Kreyòl, byen santre nan rasin zantray lakay, pwezi wodpòte

Emeline fè 10 sou 10 ak "Cordes et Ame" !

Li merite piblisite gratis.

jafrikayiti

---

Repons sou sijè sa:

• Emeline Michel - Bon bagay !!! Anne-Monique Voltaire 28/8/2000
• Emeline Michel - Bon bagay !!! Anne-Monique Voltaire 28/8/2000

---