An repons a: yion mo pou jenès la Maxime Thélisma te ekri a,
jafrikayiti afiche mesaj sa, jou 01 Dawou 2000 a 10:27:51:
Nou ta gen dwa di yon latriye mo pou jèn yo. Men anreyalite, se aksyon nou tout ansanm ki ka itil jèn yo kichòy. Aksyon endividyèl, aksyon kolektif.Pami pawòl mwen ta vle pataje ak jèn Ayisyen ane 2000 yo; Men dezoutwa...
1) Sèvo ou se yon bèl kado Bondye ba ou pou ou kapab idantifye sa ki bon ak sa ki pa bon - pa kite pyès ideyoloji, pyès relijyon, pyès kolon misyonè pèpè fè ou sispann itilize sèvo ou sou enfliyans malatyong tankou: "byenere lèpov-an-espri"2) Pèp ou, pèp Ayisyen, se pitit Bondye tankou tout pèp. Aprann konnen sajès, listwa ak kilti pèp ou pou ou kapab konprann plas ou nan linivè - kòm Ayisyen. Desandan pèp Lafrik Ginen, Pitit Bondye.
3) Dyab pa ekziste. Tout vye bagay ki rive nan linivè se konsekans aksyon moun malveyan. Se pa mò SIDA yo voye sou kouzen "Jil". Se pa mò "lamizè" yo voye sou Ayiti. Ni non plis se pa malediksyon ni "Kam" ni "Kayen" ki lakòz pèp Afriken ap soufri tout kalite malsite sou latè. Tout se rezilta mechanste lèzòm. Konsa, se aksyon pozitif lèzòm ki ka rezoud yo.
4) Dil dwòg ka ba ou anpil lajan, konsa tou, se chimen dekoupe pou ou blayi de pye long nan twou lanmò.
5) Lajan bay anpil pouvwa. Men, se lanmou sèlman ki bay lavi.
6) Ledikasyon fòmèl se yon bon envestisman. Men, se pa la sèlman chimen lakonesans fè kwen. Ou gen dwa ranpli memwa ou ak bèl pawòl ou li nan liv epi ou sòt pase panyen pèse. Jèn Ayisyen fòk ou ekzèse sèvo ou chak jou...reflechi, analize...poze kesyon...
7) Pa koute moun k ap di ou nan ton lontan tout bagay te pi bon. Ou menm se moun tan jodi ou ye. Senpman travay pou ou fè yon diferans pozitif nan tan pa ou la.
8) Etranje pa t janm fè anyen serye pou Ayiti. Etranje pap janm fè anyen serye pou Ayiti. Yo ka panse maleng yomenm ankò yo lakòz sou do nou. Men, pou lagerizon total kapital se sèl Ayisyen ki gen enterè fè sa pou Ayiti.
9) Pawòl pale se van, pawòl ekri se dokiman...Se sèl aksyon ki pote chanjman.
10) Aji jodi a.