An repons a: Laboratwa SIDA depi 1950 Michel-Ange te ekri a,
jafrikayiti afiche mesaj sa, jou 07 Dawou 2000 a 22:49:37:
Onè,Sanble se vaksen polyo syantis Etazinyen yo te fè apati selil ren makak, ki te kontamine ak viris SIV (Simian Immunodeficiency Virus). Kidonk, lè yo bay plis pase yon milyon Afriken vaksen polyo ki kontamine ak SIV, viris la tou pase nan popilasyon moun.
Atik la bay plis detay. Men yon lòsyè tout kout: "Hooper lays out the case that from 1957 to 1960 an unknown proportion
of the OPVs administered to more than one million residents of three
then-Belgian colonies -- now Congo (formerly Zaire), Rwanda and Burundi
-- may have been accidentally contaminated with SIV from the primate
kidneys in which the vaccines were prepared."Nou dwe ankouraje nèg vanyan tankou Ekselans Thabo M'Beki, prezidan aktyèl peyi Afrikdisid ki lage pè las nan dengonn mesye syantis yo, pou limanite kapab konnn aklè tout fondalnatal maladi «jenosidik» sa a k ap fin depafini ak pèp Afriken toupatou sou planèt la.
M'Beki atire anpil lenmi akòz pozisyon djanm li pran sou dosye SIDA a. Sa pa ta etone mwen ditou si se pinisyon M'Beki ki alorijin dappiyanp aloufa yo fè sou òganizasyon Koupdimonn 2006 la ke yo retire nan bouch kontinan Afriken an.
Kite politik, retounen sou dosye lavi-ou-lanmò. Mesyedam, tanpri pwoteje jwèt nou. Suiv konsèy Ronaldo ki di nou, nan bon Kreyòl: "San kapòt - anyen menm!"
Respè,Jafrikayiti
"Viv lavi, aba tout malfèktè simayè lanmò!"