Koplan nan stad la!

[ Kesyon Moun Mande Anpil ]

An repons a: Koplan nan stad la! Editor te ekri a,

Jafrikayiti afiche mesaj sa, jou 09 Dawou 2000 a 23:49:46:

Monchè Guy sa ou pran se pa w. Ou al anmèkde nèg Bèlè!

Mwenmenm pèsonèlman depi gen Racing kont Aigle Noir, mwen mouri poul mwen tou dousman. Paske nèg ki konn al nan estad la kapab di ou, san lè gen deblozay.

Konsa, se yon bagay ki dwòl jan nèg te fanatik lè nou te jenn. Mwen sonje mwen te konn chita ap gade yon match epi m ap priye seryezman pou "Bondye" fè Racing kale. Epi depi tout tan sa a, mwen konprann se "Bondye" ki t ap reponn lapriyè mwen, alòske se Roger Lafontant ki t ap opere.

Sanble gen yon jou Aigle Noir ap kale Racing pwòp - nan gou Jezi! Vwalatilpa, chèf Tonton Makout la leve kanpe, li ekzije abit la pou li fè Racing kado yon penalite san rezon pou Aigle Noir pa kale ekip li.

Sa dwòl pou jan mwen te toujou rayi Tonton Makoutis, epoutan mwen te gwo fanatik Racing epi se jis apre mwen fin pati ale nan peyi etranje mwen aprann se fanatik yon ekip Tonton Makout mwen te ye.

Antouka, te gen bon jwè nan Racing tou. Sitou alepòk Eddy Antoine ak Gérald Romulus t ap fè bèl mèmèy nan mitan teren an. Sa, sete epòk bon boul!


Osijè enkyetid Kaptenn nan, mwen kwè lakou sa a ta dwe rete yon lakou Kreyòl tou. Kòm mwen konnen Editè a se yon kreyolis wouj-e-ble mwen pa enkyete. Rès travay la nan men chak moun ki pral kenbe fowòm nan aktif ak bonjan dyalòg kreyòl.

respè,

Jafrikayiti

Repons sou sijè sa: