Fanmi Lavalas - Lopozisyon - Liv Blan - Kle anba pòt

[ Kesyon Moun Mande Anpil ]

An repons a: Fanmi Lavalas - Lopozisyon - Liv Blan - Kle anba pòt jafrikayiti te ekri a,

David Meralus afiche mesaj sa, jou 24 Septanm 2000 a 23:56:06:

Kanmarad Jafrika,
Ou gade san m! Lè m koumanse li w mwen konpran n ou t apral chita plis sou dimansyon deba yo te pran nan reyinyon LONU an mwa pase a: Kote gwo leta yo ap pale globalizasyon yon bò, epi Prezidan Dominiken an ap rele anmwe youn lòtbò pou pote l sekou ak Ayiti ki tounen youn ti reskiyè bò lantouraj la.

Jan ou te koumanse rale koze a mwen pa konnen kouman ou fè kilbite al tonbe sou do lopozisyon pou arive "MIRVIL-LEMENT" ap bat bravo pou gouvènman Lavalas la. Se tout dwa ou; se nòmal nan gagè ou chofe dife pou kok ou parye sou li a.

Men mwemenm youn sèl bagay mwen kwè: Toutan noumenm ayisyen nou toujou konprann se youn group moun ki responsab mizè peyi a, toutan nou toujou kwè se yon sèl group moun ki k fè Ayiti avanse ebyen lè nou gade revèy nou n a wè li fè trèzè. Paske vye konsepsyon sa yo se divizyon yo donnen sèlman e nou konnen byen "fouchèt divizyon pa bwe ni soup demokrasi ni bouyon devlopman", donk pou kisa nou pa k antann nou.

Antouka nan syèk sa nou ye la si nou kontinye ap fè leseprape nan kanaval pa m pibon nou gen lontan n ap danse la; nou gen pou nou wè Ayiti tounen tankou lòt kanmarad la te di< un musee du sous-developpement>

Lizaj pou ou kanmarad.

Repons sou sijè sa: