Ki elit ? ki entèlektyèl?

[ Kesyon Moun Mande Anpil ]

jafrikayiti afiche mesaj sa, jou 03 Oktòb 2000 a 02:03:47:

Mesaj annapre a, te louvri yon braselide sou fowòm metropolehaiti.com nan. Mwen poste li la a sizoka gen lòt moun koze "les intellectuels" pasi pa la sa a ap chawonyen tou epi ki vle pataje refleksyon pèsonèl yo sou koze a..
------------


Chak fwa mwen li nouvèl Métropole yo, mwen aprann gen yon antite "monolitik" ki rele lelit (entèlektyèl) ayisyen.

Kòmkwa se yon gwoup moun ki reflechi menmjan, ki pran menm pozisyon parapò ak maswife pèp Ayisyen ap monte akòz politisyen tèt chat li
yo.

Métropole ekri "Les intellectuels" leve kanpe kont Lavalas - sa vle di tout entèlektyèl peyi a kont Lavalas? Men kisa yon entèlektyèl ye?

Kisa li pwodui nan yon sosyete? Èske nou kapab idantifye "Les intellectuels" Ayisyen yo epi sa yo pwodui nan sosyete a ?

Aristide, Préval, Jacques-Edouard Alexis, Ernst Mirville èske se entèlektyèl yo ye?

Si non - poukisa?

Si wi - sa vle yo fè pati "les intellectuels" Métropole di ki leve kanpe kont Lavalas la. E kòm se mesye sa yo ki alatèt Lavalas la, sa vle di - sa
k ap pase nan peyi a la a, se "les intellectuels" k ap fè opozisyon ak pwòp tèt yo?

E lepèp menm sa li di nan katon an? Pa gen jounalis ki mande lepèp sa li panse? oudimwens jounalis yo se "les intellectuels" yo ye tou.
Kidonk, zafè lepèp pa zafè yo?

E Ayisyen, pami tout moun sa yo "les intellectuels" ki pou "les intellectuels" ak "les intellectuels" ki kont "les intellectuels", "lepèp", "le jounalis"
....elatriye...kilès pami yo ki Ayisyen?

Mezanmi nou pa rann nou kont jan nou rans ak tout vye koze sa yo?

m ale

Jafrikayiti (yon gwo entèlektyèl tou - paske mwen fè klas sètifika kay frè e mwen te lekòl Canado)

Repons sou sijè sa: