An repons a: Fòk gen yon prezidan lejitim 7 fevriye 2001 Jafrikayiti te ekri a,
Pwofèt Jozèf afiche mesaj sa, jou 08 Novanm 2000 a 20:39:23:
Onè-respè kanmarad Jafrikayiti.
Mwen li opinyon ou la avèk anpil atansyon. Mwen tonbe dakò avè w sou anpil pwen. Mwen twouve lide Referandòm lan enteresan, men pa sou tout eleksyon 21 me a. Paske obsèvatè nasyonal ak entènasyonal yo pa te janm gen gwo pwoblèm ak eleksyon 21 me yo. Se sèlman metòd kontaj pou senatè yo ki te bloke yon akseptasyon total eleksyon 21 me a. Donk, si ta gen pou fè yon referandòm fòk li ta fèt sou akseptasyon ou non pa majorite pèp la metòd kontaj KEP la te itilize pou konsakre viktwa senatè ki te eli yo.
Ou sigjere fòk referandòm lan ta fèt ansanm ak eleksyon 26 novanm lan. Lè w ap fè yon referandòm se pa yon ti bagay fasil fasil. Se tankou yon kanpay elektoral. Fò chak kan gen ase tan devan yo pou yo fè konnen pozisyon yo kesyon an. Pou mwen 26 novanm two pwòch pou òganize yon referandòm.Yon referandòm ap toujou posib sou kesyon senatè oposizyon yo konteste a apre eleksyon prezidansyèl 26 novanm lan. Mwen san pou san dakò avèk ou kanmarad lè ou mande chak pati mete dlo nan diven yo pou gouvènman ki pral monte 7 fevriye 2001 an gen lapè pou senkan.Nou pap janm rive reyalize anyen nan chire pit ak kouto tire. Nou deja pèdi 196 ane pwogrè pou Ayiti. Twayèm milenè sa a fò nou rive mete tèt ansanm pou voye Ayiti monte. Se konsa n a rive fè ògèy ak fyète tout Ayisyen alawonnbadè.
Kenbe rèd kanmarad!
Pwofèt
- Fòk gen yon prezidan lejitim 7 fevriye 2001 jafrikayiti 09/11/2000
- Fòk gen yon prezidan lejitim 7 fevriye 2001 Pwofèt Jozèf 08/11/2000