An repons a: Mwen ap chèche dokiman Michel-Ange Hyppolite te ekri a,
Michel-Ange Hyppolite afiche mesaj sa, jou 11 Novanm 2000 a 07:30:26:
Sa ka parèt dwòl lè se mwen ki voye mesaj mwen epi se mwenmenm ankò ki ap reponn li. Ebyen sa rele travay nan youn milye difisil.
Maten an mwen louvri òdinatè a epi mwen jwenn youn grenn mesaj. Se youn zanmi ki reponn mwen dirèk-dirèk lakay mwen sou koze dokiman an. Mwen pa kache di nou mwen te kontan. Zanmi an te refere mwen nan ansyen dokiman IPN te konn pibliye yo.
Mwen kouri chèche nan dokiman mwen yo epi mwen jwenn dokiman IPN yo ak enfòmasyon mwen bezwen yo ladan.
Kòm dokiman IPN yo se dokiman ki parèt nan ane 1980 yo konsa ( yo pa gen dat sou yo), si gen mounn ki konnen dokiman pi resan toujou sou pwogram syans nan sistèm ki rele lekòl fondamantal anndan Ayiti a, yo ka toujou kominike ak mwen nan adrès mwen bay nan mesaj mwen ap reponn la a.
Mwen ap di zanmi sa a mèsi ankò pou limyè li te pote pou mwen an..Kenbe la gason. Laviktwa pa pou demen, men nou dwe kontinye travay si pou nou dòmi reve laviktwa.
Se te Michel-Ange nan lakou Ottawa.