An repons a: "bilten papiyon", "rekontaj" Se pa vrè pwoblèm nan Ebner monsanto te ekri a,
Emmanuel Vedrine afiche mesaj sa, jou 12 Novanm 2000 a 16:31:52:
Mèsi pou mesay la ak ti diskisyon an. Wè! mwen pa konn anyen nan politik tou, mwen jis ap obsève koze yo dan griyen. Ay! Vye frè, koze yo komik nèt kay Lapèsòn, kapital demonkrasi entèrnasyonal pou tout ‘desizyon 2000'. Hm! Koze yo mabyal kouzen! Genlè yo ta prèt pou kenbe chwal malen nan chimen jennen. Donk m remake se nan eta ki kenbe kle sekrè politik syèk la ou chita; ou nan reyalite koze yo. Bon, kòm ou di, nou pa lwen fèt Vètyè. Nou pa lwen tou Ekzamen Lakay kote Lapèsòn ak Kominote Entènasyonal La gen pou vin sipèvize men ak angrenay koze yo, n ap suiv tout reta ki ka koze lòt reta ak iregilarite lòt kote. Ay vye frè! Rezilta ekzamen sa a dire pou yo di n ki elèv ki pase, kilès ki ajoune. Jan klou sa a anfle a, poudi apse a pa p pete? "Eske vrè pwoblèm nan se zafè bilten papiyon an; mwen pa kwè sa?" - Yon bèl kesyon! Lè bèt sa a fin metamòfoze l sanbtil se sou yon grenn kandida l ta deside poze. Kòm je pa gen bòday, ann kontinye gade sa ‘rekontaj alamen / alamachin' va pote pandan nou menm, ki pa politisyen, ap suiv koze yo de prè.