95% rerefans bibliyografik sou etid lang kreyòl ayisyen pou sant Rechèch kreyolis

[ Kesyon Moun Mande Anpil ]

Pwofèt Jozèf afiche mesaj sa, jou 03 Janvye 2001 a 06:05:13:

Mesye-dam kreyolis syantifik ou amatè, chapo ba! Mwen se Pwofèt Jozèf yon jèn bray k ap travay pou fè vanse lang kreyòl e defann dwa fondamantal pèp ayisyen ke anpil konpatriyòt entèlektyèl meprize pou plizyè rezon ak enterè. Mwen resevwa yon fòmasyon nan syans lengwistik tou, men vrè espesyalite pa mwen se nan Edikasyon mwen genyen n. Nan edikasyon, lang manman timoun kou gramoun se yon zouti ki enterese nou anpil paske se pa lang matènèl transmisyon konesans lan fèt pi byen. Depi senk an m enterese nan rechèch sou lang kreyòl ayisyen nan moman lwazi mwen avèk lòt jenn kreyolis kap boujonnen nan Monreyal Kanada. Sa ki frape mwen, teren rechèch la poko debleye. Sa ki genyen sou lang kreyòl la piti anpil e li konsène esansyèlman twa lekòl de panse: Lekòl Valdman, Lekòl Dejan e Lekòl Lefèvre. Poko gen rechèch ki fouye zo nan kalalou zantray lang kreyòl la toutbon, nan sa ki konsènen jeni entèn lang nan. Fò nou sispann fè etid konpare kreyòl-franse-angle. Ann Ayiti senpman ou plis pase 8 milyon moun kap viv 24è sou 24 an kreyòl, se yon vrè laboratwa rechèch. Mwen resanse 95% referans bibliyografik sou sa ki egziste kòm etid sou lang kreyòl la. Mwen deside pataje rechèch sa ak tout chèchè kreyolis ki an Ayiti oswa nan diaspora a. Se yon fason pou m bay jèn kreyolis yo yon kout men e yon kout pye nan dèyè lòt chèchè ki ta vle pran zorye yo. Pou moun ki ta enterese, w ap jwenn lis referans bibliyografik sa nan dènye liv mwen an ki rele ZOUTI REFERANS POU JESYON KOLEKTIVITE NASYONAL DAYITI (2000, 156 p) nan Seksyon Rechèch ak Etid Kreyòl. Mwen pwofite anonse alawonnbadè rechèch sou kreyolizasyon lye ak leksik jewografik la pou yon pwochen piblikasyon. Lè yon chèchè itilize sa mwen fè, mwen jis ta renmen li site non mwen. Mèsi! O travay!

Pwofèt Jozèf
josephprof@hotmail.com

Repons sou sijè sa: