An repons a: Ki non lang nasyonal la? Guy S. Antoine te ekri a,
douma afiche mesaj sa, jou 05 Janvye 2001 a 12:54:04:
One,
nan non premye pitit, mwen salye fowom la. se tout yon plezi pou mwen patisipe nan jefo ki ap fet pou transfome nasyon Ayiti. li di le nou rive dekouvri lwa fondamantal sosyete la, nou andwa konnen ki mezi pou nou adopte yon fason pou akonpaye etap nou ap viv oswa ki ap vini. Ki non lang nasyonal la? se yon kesyon maximilyen laroche te poze nan liv: literati ayisyen. ale pi lwen kesyon la, msye di fok nou pase de oraliti a ekriti. dapre msye se yon premye etap ki andwa pemet transfomasyon sosyete la. alwe, nan liv la msye pale de lang kreyol ki dwe rele ayisyen. Ou ka kesyon la lye ak idantite nou, kouman nou konsevwa tet nou, elatriye. dantan lakoloni, ki te anba lwa fondamantal libete e egalite, te pran nesans (dyalektik oswa sentez / jenez) neg kreyol ki te pwodui pale kreyol. Kidonk, kreyol la jounen jodiya se lang ki ini tout ayisyen. opinyon pa mwen, li enpotan pou nou evite rantre nan patikilarizm ki andwa anfeme nou nan pozisyon antagonistik e pwenvi etwat. Finalman, nou ap di kreyol se yon tem jenerik ki anglobe neg, afranchi, e kolonis. epi, tout peyi nan nouvo mond la (ak lot peyi tankou il reyinyon) posede sosyete kreyol.
respe,